Eitt stykki blogg í tilefni dagsins jáw:) það er 9. janúar 2008! Gleðilegt nýtt ár fólk og takk fyrir 2007:) Ooog mamma mín átti afmæli í gær:) Kjéllan orðin 39 ára og fékk eitt stykki þurrkara í afmælisgjöf frá familíunni, ég á reyndar eftir að gefa henni gjöfina frá mér...  een hún kemur fljótlega
Svoo fór ég í skólann á mánudaginn:) ég verð bara að segja að ég er alveg sátt með stundarskrána mína. Þarf að mæta þrisvar í viku kl 10 og tvisvar kl 9 og er búin milli 3 og 4 alla daga nema 2 á föstudögum:) Ég var fyrst reyndar ekki sátt með stundarsrkána að því leiti að ég var ekki látin í neina stærðfræði... en það er ekki hægt að laga það nema ég hætti í þýsku og þetta eru bæði skylduáfangar svoo það er ekkert hægt að gera í því  Svo er ég í p í ensku... er soldið kvíðin fyrir því, því ég hef aldrei verið í p í neinu áður.... EN WOTEVER... ég er í 19 einingum og er í alveg þokkalega skemmtilegum áföngum:) Ég er sátt.

Annars er EKKERT að frétta af mér... ég er bara hérna og læt mér leiðast og vera ennþá slöpp frá því á jólunum. Ég er að meeina það, ég er ógeðslega gölluð vara.. er alltaf eitthvað veik.
 Mig langar sjúkt mikið suður með Svandísi næstu helgi!! Hver vill lána mér moneeyy??  

En íslenska kallar (Y) bææjjj

Ég er loksins búin í prófum (kláraði þau reyndar 8. des). Var í 7 prófum og það gekk bara sæmilega held ég. Ég er meirað segja búin að fá einkun úr þrem þeirra. Fékk 8 í íþróttum, 6 í náttúrufræði 123 og 7 í þýsku :) Er búin að ná öllu so far. Er samt mjög forvitin að vita hvað ég fæ úr stærðfræði og íslensku. Hef ekki miklar áhyggjur af ensku og dönsku.

Svoo hætti ég að kenna á föstudaginn. Sjitt hvað ég kvíði fyrir! Það eru jólatónleikar á föstudaginn og ég er ýkt kvíðin fyrir hönd stelpnanna sem ég er að kenna! ég er á nálum án djóks! Það endar með að ég fer að skjálfa og froðufella, þær eru ekki nógu vel undirbúnar... hmm.. hverjum ætli það sé að kenna?! :( Ég er örugglega einn ömurlegasti kennari í heeeimi!

Een ég bíð bara eftir að föstudeginum ljúki (ÞAÐ verður spennufall dauðans) og þá ætla ég sko ekki að gera NEITT allt jólafríið! Ég ætla ekki að spila í neinni messu og ég ætla ekki að spila neinsstaðar úti með Charles eða neeeiiitt. Bara vera heima með fjölskyldunni og taka til og liggja í leti! Er búin að vera að bíða eftir því of lengi!

Hvernig væri að taka föstudaginn með trompi bara ?

-Helga Sjöfn.

Manneskjan sem ég dái hvað mest hefur legið á sjúkrahúsi í mjöög langan tíma núna, þar sem ég hef ekki mikið tímavit þá man ég ekki alveg hve lengi, en það er meira en mánuður liðinn, og hún er mjög veik. Ég las blogg hjá frænku minni sem hefur sama álit á þessari manneskju og ég. Við elskum hana mjög mikið báðar tvær og lítum mikið upp til hennar. Hún ól upp 7 börn, missti manninn sinn útaf krabbameini 1990, hún er 86 ára núna og hefur fullt vit í kollinum, býr á þriðju hæð í blokk og gengur allt og hefur passað barnabörnin sem og barnabarnabörnin og er með eindæmum ein duglegasta manneskja sem ég hef nokkurn tíman hitt! Hún er án efa hetjan mín.

En þessi frænka mín bloggaði um sjúkrahúsavist sjúklinga og hvernig þeir væru meðhöndlaðir. Þeir yngri fá yfirleitt meiri aðstoð og útskýringar heldur en þeir sem eldri eru og eiga í sumum tilfellum ekki mikið eftir. Mér finnst sem þessi mismunur ætti ekki að eiga sér stað, og allra síst á sjúkrahúsum. Ég get vel trúað þessu sem hún sagði því þegar ég lá á sjúkrahúsi í viku þá fékk ég útskýringar nánast í æð. Allir voru til í að útskýra fyrir mér hvað hitt og þetta væri og hvað væri að gerast. Ég get ekki ímyndað mér hvernig það er að liggja á sjúkrahúsi og vita ekki hvað mun gerast næsta dag. En eins og frænka mín sagði að þá er þetta líka allt spurning um hvaða hjúkka eða læknir eru að störfum hverju sinni. Hjúkrunarfólk hreinlega VERÐUR að kunna að koma fram við sjúklinga sem og gesti sjúklingsins.

Svo er líka eitt í viðbót sem ég vil deila hér og það er hvað fólk getur verið ómerkilegt, óheiðarlegt og ógeðslegt!!
 Fyrir ekki svo löngu síðan fór ég í heimsókn til þessarar konu sem þá lá á sjúkrahúsinu á Akureyri, og var á batavegi. Hún sagði mér frá því þegar ég og foreldrar mínir komu seinast í heimsókn og þá lá hún á gjörgæslu og að rétt eftir að við vorum farin að þá hafi komið þessi "yndislega" kona og bauðst til að fara með veskið hennar í læstan skáp niður í afgreiðslu, bara til að hafa það ekki svona á glámbekk svo enginn myndi taka það. Þessi vesalings kona, fárveik og uppdópuð af lyfjum vildi það endilega og þakkaði henni mikið fyrir að vilja fara með veskið í læstan skáp. Síðan þá hefur veskið ekki fundist. Þetta hefur greinilega ekki verið starfsmaður á ferð, og mér finnst hræðilegt hvað fólk hefur lítið hjarta, að stela af gamalli konu sem liggur á gjörgæslu!! Ég á bara ekki til orð.

En ég ætla bara að fara að ljúka þessu bloggi mínu og vonast til hins besta þótt útlitið sé ekki gott.
Elska þig amma mín:* :'/

Mér finnst samfélagið vera orðið heldur strangt núna! Þessi pirringur minn byrjaði á óvissuballinu núna fyrir einhverjum vikum þegar sýslumaður vildi ekki leyfa ME ball nema að lögregla væri á staðnum (eða ég skildi það þannig). Og auðvitað var lögreglan á staðnum og tók allt áfengi af fólki sem var undir tvítugt! Og það voru þó nokkrir sem misstu eitthvað af áfengi sínu og nokkrir voru látnir á einhvern lista og það var hringt í foreldra. Hversu vangefið er það? Þetta er menntaskólaball og það er verið að hringja heim til menntskælinga sem voru að drekka! Við hverju bíst fólk?? Auðvitað drekka menntskælingar í dag einsog fyrir 15-20 árum þegar þessar fkn löggur voru í menntaskóla! Það mun ekkert breytast, það er alveg kristaltært.

Svo var annað 16 ára ball á Neskaupsstað núna um helgina með Páli Óskari, og löggan stóð fyrir utan rúturnar með menntskælingum í og skoðuðu í allar töskur og tóku allt áfengi! Auðvitað varð fólk virkilega pirrað yfir þessu, en aðrir voru heppnir og náðu að smygla einhverju áfengi út. Og oná þetta þá mátti fólk ekki fara útaf ballinu, annars komst það ekki aftur inn. Og þá auðvitað fór fólk að reykja inni;) what goes around, comes around!
 Þessar reglur eru bara engan veginn að gera sig hjá þessu blessaða fólki sem semur þær! Ef þetta á að vera svona mikið vesen að fara á ball þá hættir fólk á endanum að nenna að fara á ball.. og þá verður meira um heimapartý, sem er miklu verra því þar er yfirleitt enginn fullorðinn að fylgjast með!
Ég veit alveg að reglurnar eru þannig að fólk undir 20 má ekki kaupa né neyta áfengis, en þetta er bara alltof hár aldur og er bara fáránlegt! 18 ára einstaklingar á þessum böllum fengu ekki að hafa áfengið sitt í friði! Samt mega þessir aðilar giftast, fara í framboð, flytja að heiman og sjá um sín peningamál alveg útaf fyrir sig, en er samt ekki nógu þroskað til að vera með áfengi. Þetta er bara alveg útí hött!!
Mér finnst frekar einsog löggan eða einhverjir fullorðnir ættu að vera á böllum og taka áfengið af fólki sem greinilega er búið að fá nóg því það verða aldrei nein edrú menntaskólaböll! Það bara mun aldrei gerast!

Er einhver sammála mér?

ps: Ef þetta er ekki sætasti bróðir í heimi þá veit ég ekki hvaað? :D